Puis unt veüd un juvencel
Qui veint cuntre eals, forment bel;
E cil se fait Deu message,
Dist que vengent a rivage.
Il arivent; cil les receit,
Tuz les numet par lur nun dreit;
Puis dulcement les ad baisez,
E les draguns tuz apaisez:
Fait les gesir cuntre terre
Mult humlement e sanz guerre;
Et le glaive fait retenir
A un angele qu'il fait venir;
E l'entree est uverte:
Tuit entrent en glorie certe.