Cil lur ad dist: 'Returnum nus!
Avant d'ici ne menrai vus;
Ne vus leist pas aler avant,
Quar poi estes a ço savant.
Brandans, tu veis cest paraïs
Que tu a Deu mult requeïs.
De la glorie cent mil tant
Que n'as veüd, ad ça avant.
A ore plus n'i aprendras,
Devant iço que revendras.
O or venis ci carnalment
Tost revendras spiritalment.
Or t'en reva; ci revendras,
Le juïse ci atendras.
De cez peres en fai porter
A enseignes de conforter.'